Home » Articles » Talambuhay ni Apolinario Mabini: Ang Utak ng Rebolusyon

Talambuhay ni Apolinario Mabini: Ang Utak ng Rebolusyon

Ang artikulong ito ay tatalakay sa talambuhay ni Apolinario Mabini, isa sa mga kinikilalang bayani sa Pilipinas. Sa pagbabasa ng artikulong ito, matutunghayan mo ang kanyang buhay, mula sa kanyang pagkabata, ang kanyang edukasyon, ang kanyang kontribusyon sa rebolusyon, at ang kanyang mga aral na iniwan sa atin.


Mga Nilalaman


Maikling Buod ng Talambuhay ni Apolinario Mabini

Si Apolinario Mabini, tinaguriang “Dakilang Paralitiko” at “Utak ng Rebolusyon,” ay isang Pilipinong bayani na nag-ambag ng malaki sa pagkakamit ng kalayaan ng bansa.

Siya ay pinanganak noong Hulyo 23, 1864 sa Tanauan, Batangas. Ang kanyang mga magulang ay sina Inocencio Mabini at Dionisia Maranan at pangalawa sa walong magkakapatid.

Lumaki si Mabini na matalino at masipag sa pag-aaral. Nakapagtapos siya ng Bachelor of Arts at Bachelor of Laws sa Kolehiyo de San Juan de Letran at Unibersidad ng Santo Tomas.

Naging aktibong propagandista siya at naging punong tagapayo ni Pangulong Emilio Aguinaldo noong Himagsikan. Ang kanyang mga kontribusyon sa pagbuo ng porma ng gobyerno, pagsulat ng dokumento, at pagtataguyod ng organisasyon ay nagpatunay ng kanyang kadakilaan.

Namatay si Mabini noong Mayo 13, 1903 dahil sa kolera. Ang kanyang buhay ay nagbibigay inspirasyon sa mga Pilipino na ipagpatuloy ang pakikipaglaban para sa kalayaan at pag-unlad ng bansa, anuman ang kanilang kapansanan.


Talambuhay ni Apolinario Mabini (Long Version)

Kapanganakan at Pamilya

Si Apolinario Mabini y Maranan, kilala rin bilang “Dakilang Paralitiko” at “Utak ng Rebolusyon,” ay isa sa mga bayaning Pilipino na nag-ambag ng malaking tulong sa pagkakamit ng kalayaan ng Pilipinas noong panahon ng Himagsikan.

Si Apolinario ay ipinanganak sa Tanauan, Batangas noong Hulyo 23, 1864. Kapwa magsasaka ang kanyang ama at ina na sina Inocencio Mabini at Dionisia Maranan. Pangalawa siya sa walong anak ng kanyang mga magulang.

Edukasyon

Mula sa kanyang kabataan, kinakitaan na si Apolinario ng katalinuhan at pagsisikap sa pag-aaral. Sa tulong ng isang partial scholarship, nakapag-aral siya sa Kolehiyo de San Juan de Letran at natapos ang kanyang Bachelor of Arts noong 1887. Ipinagpatuloy niya ang pag-aaral ng Bachelor of Laws sa Unibersidad ng Santo Tomas.

Sa kabila ng kanyang mga sakripisyo at hirap sa pag-aaral, nagtapos si Mabini ng abugasya noong 1895. Ngunit habang nagtatrabaho bilang notario publiko, dinapuan siya ng napakataas na lagnat na nauwi sa pagkakasakit niya ng polio. Ito ang naging dahilan ng kanyang kapansanan.

Kontribusyon ni Apolinario Mabini

Bilang isang aktibong propagandista, isa si Apolinario sa mga bumuhay ng “La Liga Filipina” noong 1863. Nang ito ay mapalitan ng Cuerpo de Compromisarios noong 1864, nahalal siyang Sekretaryo ng organisasyon. Ang mga samahang ito ay naglalayong suportahan ang mga propagandistang Pilipino sa Espanya.

Pagka-aresto

Nang malaman ng mga Guardia Civil ang kanyang pakikisangkot sa rebolusyon, inaresto si Mabini, ngunit dahil sa kanyang karamdaman, hindi siya naparusahan ng kamatayan. Sa halip, siya ay naging bihag sa Ospital ng San Juan de Dios habang ginagamot ang kanyang sakit. Matapos palayain, pansamantalang nanirahan si Mabini sa Laguna upang magpahinga. Ngunit hindi naglaon, ipinasundo siya ni Pangulong Aguinaldo at ginawa siyang tagapayo.

Ano ang Ginawa ni Apolinario Mabini?

Sa panahon ng Himagsikan, si Apolinario ay naging punong tagapayo ni Pangulong Emilio Aguinaldo. Naging malaki ang kanyang kontribusyon sa pagpapalit ng porma ng gobyerno mula sa diktaturya tungo sa rebolusyonaryo. Nagtaguyod din siya ng organisasyon ng mga lalawigan, munisipalidad, hukuman, at pulisya. Siya din ang naging kauna-unahang Prime Minister sa Pilipinas.

Bakit Naging Bayani si Apolinario Mabini?

Naging bayani si Apolinario Mabini dahil sa kanyang mga kontribusyon sa pagkakamit ng kalayaan ng Pilipinas. Marami siyang naiambag na dokumento at alituntunin na nagpaunlad sa bansa. Isa sa mga ito ay ang El Verdadero Decalogo na naglalayong gisingin ang damdamin ng mga Pilipino, at ang Programa Constitucional de la Republica Filipina na naglalayong isulat ang isang konstitusyong susundin ng mga Pilipino.

Sakit na Ikinamatay ni Apolinario Mabini

Si Apolinario Mabini ay namatay noong Mayo 13, 1903 dahil sa kolera, sa edad na 38.

Aral sa Talambuhay ni Apolinario Mabini

Ang talambuhay ni Apolinario Mabini ay nagsisilbing inspirasyon sa ating mga Pilipino upang ipagpatuloy ang paglalaban para sa ating kalayaan at pag-unlad ng bansa. Ang kanyang dedikasyon, sakripisyo, at kahandaan na magsilbi sa bayan kahit sa gitna ng kanyang kapansanan ay nagpapatunay na ang tunay na kadakilaan ay nasa puso at isip, at hindi sa pisikal na kakayahan.

Si Apolinario Mabini ay isang huwaran ng pagiging matatag at mapagmahal sa bayan. Ang kanyang talino, sipag, at determinasyon ay nagtulak sa kanya upang maging isang bayani at lider ng kanyang panahon. Ang kanyang buhay ay patunay na ang tunay na tagumpay at kadakilaan ay nasa pagkakaroon ng malinaw na adhikain, matibay na paninindigan, at walang-hanggang pag-ibig sa bayan.


Ang talambuhay ni Apolinario Mabini ay patunay na ang kabayanihan ay hindi nasusukat sa lakas ng katawan, kundi sa lakas ng puso at isipan. Sa kabila ng kanyang karamdaman, hindi niya ipinagkait ang kanyang serbisyo sa bayan at patuloy na naging inspirasyon sa maraming Pilipino. Ang kanyang buhay ay isang huwaran ng katapangan, determinasyon, at pagmamahal sa bayan na dapat tularan ng bawat isa.

Inaasahan namin na ikaw ay may natutunan mula sa artikulong ito. Mangyaring ibahagi ito sa iyong mga kaklase, kaibigan, at sa iba upang sila din ay matuto mula sa talambuhay ni Apolinario Mabini.

Maaari mo din itong i-share sa iyong mga social media account. I-click lamang ang share button na makikita sa iyong screen.

Mga kaugnay na aralin

Talambuhay ni Jose Rizal: Ang Pambansang Bayani ng Pilipinas

Talambuhay ni Andres Bonifacio: Ang Ama ng Rebolusyong Pilipino

Talambuhay ni Francisco Balagtas: Ang Prinsipe ng Manunulang Tagalog

Talambuhay ni Manuel L. Quezon: Ang Ikalawang Pangulo ng Pilipinas

Talambuhay ni Manny Pacquiao: Ang Pambansang Kamao ng Pilipinas

0 Shares
Share via
Copy link