Noli Me Tangere Kabanata 13 Buod, Mga Tauhan, at Aral

Tatalakayin natin sa post na ito ang maikling buod ng Noli Me Tangere Kabanata 13 – Ang Babala ng Sigwa. Bukod pa d’yan, malalaman mo din kung sinu-sino ang mga tauhang nabanggit sa kabanatang ito, ang tagpuan, mga talasalitaan, pati na rin ang aral at mahahalagang kaisipan na mapupulot mo rito.

Mga Nilalaman

Buod ng Noli Me Tangere Kabanata 13 – Ang Babala ng Sigwa
Mga Tauhan sa Noli Me Tangere Kabanata 13
Tagpuan sa Noli Me Tangere Kabanata 13
Talasalitaan sa Noli Me Tangere Kabanata 13
Mga Aral, Mensahe, at Implikasyon sa Noli Me Tangere Kabanata 13
Mga Kaugnay na Aralin

Buod ng Noli Me Tangere Kabanata 13 – Ang Babala ng Sigwa

Nagtungo si Crisostomo Ibarra sa sementaryo ng San Diego upang dalawin ang puntod ng kanyang yumaong ama, si Don Rafael. Sinamahan siya ng kanilang matandang katiwala na nagtanim ng mga bulaklak ng adelpa at sampaga bilang alay sa libingan ng kanyang ama.

Ngunit habang naghahanap, nakasalubong nila ang sepulturero at doon ay nalaman ni Ibarra ang kalunos-lunos na kapalaran ng bangkay ng kanyang ama. Itinapon pala ito sa lawa dahil sa kabigatan nito at hindi na nailibing sa libingan ng mga Intsik. Ayon sa sepulturero, ang utos ay galing sa kura paroko.

Dahil sa matinding galit at poot na naramdaman ni Ibarra, iniwan niya ang sepulturero at hinanap si Padre Salvi upang humingi ng paliwanag. Sa huli, nalaman ni Ibarra na si Padre Damaso pala ang may kagagawan ng lahat ng iyon.

Mga Tauhan sa Noli Me Tangere Kabanata 13

Ito ang mga tauhang nabanggit sa ika-13 Kabanata ng Noli Me Tangere:

Ibarra

Ang pangunahing tauhan na nagmula sa isang mariwasang pamilya. Sakay ng kanyang kalesa, siya ay nagtungo sa sementeryo upang dalawin ang puntod ng kanyang amang si Don Rafael. Ang kanyang reaksiyon sa kanyang natuklasan ay nagpapakita ng kanyang galit at kalungkutan.

Katiwala

Kasama ni Ibarra na nagtungo sa sementeryo. Siya ang nag-alaga sa puntod ni Don Rafael habang wala si Ibarra, ngunit hindi siya nakabalik dahil nagkasakit siya. Dahil dito, naramdaman niya ang awa nang malaman na nailipat na ang bangkay ni Don Rafael.

Don Rafael

Ama ni Ibarra na nabanggit lamang sa kwento. Ang kanyang bangkay ay nahulog sa lawa dahil sa utos ni Padre Damaso na ilipat ang bangkay sa libingan ng mga Intsik.

Sepulturero

Siya ang nagbabantay sa sementeryo at nagbigay ng impormasyon sa kanila tungkol sa nangyari sa puntod ni Don Rafael.

Padre Damaso

Kilala rin sa tawag na Padre Garote. Siya ang nag-utos na sunugin ang krus at ilipat ang bangkay ni Don Rafael sa libingan ng mga intsik. Ang kanyang aksyon ay nagdulot ng galit kay Ibarra.

Padre Salvi – Isang pari na sinugod ni Ibarra dahil sa kanyang galit, ngunit itinanggi niya ang mga paratang.

Tagpuan sa Noli Me Tangere Kabanata 13

Ang kabanatang ito ay naganap sa sementeryo kung saan dapat sana matatagpuan ang puntod ng ama ni Ibarra na si Don Rafael.

Talasalitaan sa Noli Me Tangere Kabanata 13

Kalesa – isang sasakyang panlupa na hinahatak ng kabayo
Katiwala – ang taong pinagkakatiwalaan o sinasalihan ng mga gawain
Sepulturero – Taong nangangalaga o nagbabantay ng sementeryo
Puntod – Ang bahagi ng sementeryo kung saan nililibing ang mga patay
Palatandaan – Isang bagay na nagpapakilala o nagbibigay direksyon
Intsik – Ito ay isang salitang Pilipino para sa isang tao na may lahing Tsino
Paratang – isang akusasyon o sisi sa isang tao

Mga Aral, Mensahe, at Implikasyon sa Noli Me Tangere Kabanata 13

Narito ang mga aral at mahahalagang kaisipan na maaaring mapulot sa Kabanata 13 ng Noli Me Tangere:

Ang kabanatang ito ay nagpapakita ng iba’t ibang emosyon at kaganapan na nagsisilbing paalala sa mga mambabasa. Ang pagkamuhi ni Ibarra sa nangyari sa kanyang ama ay isang pagpapakita ng kanyang pagmamahal at paggalang sa kanya. Sa kabila ng kanyang poot, pinili pa rin niyang harapin ang mga taong may kinalaman dito at hanapin ang katotohanan.
Ang paglapastangan sa bangkay ni Don Rafael ay isang halimbawa ng hindi makatarungang pagtrato sa mga namatay. Ang pagkakaroon ng mataas na kapangyarihan ng mga prayle noon ay hindi sapat na dahilan para lapastanganin ang kanilang kapwa tao. Ito ay nagbibigay ng aral na mahalaga ang paggalang sa karapatang pantao, maging sa mga buhay man o sa mga namayapa na.
Sa kabanatang ito, muling naipapakita ang impluwensya ng mga prayle sa lipunan at ang kanilang pag-abuso sa kapangyarihan. Ang kaganapang ito ay nagsisilbing paalala na ang paghahanap ng hustisya ay mahalaga upang mabigyan ng karampatang parusa ang mga taong gumagawa ng mali at mapanagot sa kanilang mga ginawang kasalanan.

At ‘yan ang Noli Me Tangere Kabanata 13 Buod, mga Tauhan, tagpuan, talasalitaan, at Aral. Kung naging kapaki-pakinabang sa iyo ang araling ito, ibahagi mo ito sa iyong mga kaklase at kaibigan upang sila din ay matuto sa bahaging ito ng nobela.

Maaari mo din itong i-share sa iyong mga social media profile. I-click lamang ang share button na makikita sa iyong screen. Para sa karagdagang mga tanong tungkol sa ating aralin, mangyaring mag-iwan ng komento sa ibaba.