Noli Me Tangere Kabanata 14 Buod, Mga Tauhan, at Aral

Sa artikulong ito, tatalakayin natin ang maikling buod ng Noli Me Tangere Kabanata 14 – Tasyo: Baliw o Pilosopo? Bukod pa d’yan, malalaman mo din kung sinu-sino ang mga tauhang nabanggit sa kabanatang ito, ang tagpuan, mga talasalitaan, pati na rin ang mga mahahalagang aral na mapupulot mo rito.

Mga Nilalaman

Buod ng Noli Me Tangere Kabanata 14 – Tasyo: Baliw o Pilosopo?
Mga Tauhan sa Noli Me Tangere Kabanata 14
Tagpuan sa Noli Me Tangere Kabanata 14
Talasalitaan sa Noli Me Tangere Kabanata 14
Mga Aral, Mensahe, at Implikasyon sa Noli Me Tangere Kabanata 14
Mga Kaugnay na Aralin

Buod ng Noli Me Tangere Kabanata 14 – Tasyo: Baliw o Pilosopo?

Sa kabanatang ito, binisita ni Pilosopo Tasyo ang libingan ng kanyang asawa habang si Ibarra ay dumalaw din sa puntod ng kanyang ama. Si Don Anastacio, o mas kilala bilang Pilosopo Tasyo, ay tanyag sa San Diego dahil sa kakaibang personalidad at maraming pananaw sa pulitika at lipunan. Tinawag siyang baliw ng iba dahil hindi siya nauunawaan ng karamihan.

Nagmula si Tasyo sa isang mayamang pamilya at matalino. Sa kabila ng pagtutol ng kanyang ina sa kanyang pag-aaral at pag-asawa, ipinagpatuloy pa rin ni Tasyo ang kanyang buhay at pagbabasa ng libro.

Sa gitna ng paparating na bagyo, hindi nawawala ang kakaibang kasiyahan sa mukha ni Pilosopo Tasyo. Nagbigay siya ng matalinghaga niyang opinyon sa iba’t ibang bagay tulad ng bagyo at kidlat.

Nang magpunta siya sa simbahan ay nakita niya ang magkapatid na sakristan at binilinan na umuwi na dahil naghanda ng espesyal na hapunan ang kanilang ina.

Nakarating din siya sa bahay ni Don Filipo at Aling Doray. Napag-usapan nila ang pagbabalik ng binatang si Ibarra pati na rin ang ama nito. Ang kanilang pag-uusap ay nauwi naman sa purgatoryo.

Bagaman tinatawanan siya ng ibang tao, nirerespeto ni Tasyo ang pananaw ng relihiyon sa purgatoryo at itinuturing niyang gabay ito upang mabuhay ang tao ng malinis.

Mga Tauhan sa Noli Me Tangere Kabanata 14

Ito ang mga tauhang nabanggit sa ika-14 Kabanata ng Noli Me Tangere:

Don Anastacio

Ang pangunahing tauhan sa kabanata na kilala din sa tawag na Pilosopo Tasyo. Siya’y kilala siya sa San Diego dahil sa kanyang kakaibang pananaw tungkol sa pulitika at mga paniniwala. Pinili niyang itigil ang kanyang pag-aaral at asikasuhin ang kanyang ina. Sa kasalukuyan, siya ay masaya sa ideya ng isang parating na bagyo, na inaakala niyang maglilinis sa mundo. Pinagtatawanan siya ng ibang tao dahil sa kanyang mga pananaw at mungkahi.

Basilio at Crispin

Naka-usapni Tasyo sa simbahan. Binanggit ni Tasyo na ang kanilang ina ay may espesyal na handa para sa kanila, ngunit hindi sila makauwi dahil sa kanilang tungkulin sa simbahan.

Don Filipo at Aling Doray

Pinuntahan ni Tasyo ang bahay nila matapos niyang dumalaw sa simbahan.

Tagpuan sa Noli Me Tangere Kabanata 14

Ang mga pangunahing tagpuan ng kabanata ay sa San Diego, na may mga partikular na lugar tulad ng simbahan at bahay nina Don Filipo at Aling Doray.

Talasalitaan sa Noli Me Tangere Kabanata 14

Pilosopo – Tumutukoy sa isang taong mahilig mag-isip at magtanong tungkol sa mga kahulugan at kalikasan ng mga bagay-bagay
Kidlat – Tumutukoy sa biglaang liwanag na lumilikha sa kalangitan kapag may bagyo o malakas na pag-ulan
Bumuhos – Pagbagsak o pagdaloy ng isang bagay tulad ng ulan ng walang pagtitigil
Paputok at kwitis – Mga gamit sa kasiyahan na nagpapaputok o nagbibigay ng liwanag sa himpapawid
Mungkahi – Payo, suhestiyon, o ideya na ibinabahagi sa ibang tao
Katungkulan – Mga tungkulin o responsibilidad na ibinigay o inatas sa isang tao

Mga Aral, Mensahe, at Implikasyon sa Noli Me Tangere Kabanata 14

Narito ang mga aral at mahahalagang kaisipan na maaaring mapulot sa Kabanata 14 ng Noli Me Tangere:

Ang kabanatang ito ay nagpapakita ng kahalagahan ng pag-unawa at pagrespeto sa iba’t ibang pananaw at opinyon ng mga tao. Bagaman hindi nauunawaan ng karamihan ang mga pananaw ni Pilosopo Tasyo, ipinakita niyang mayroon din siyang magagandang mensahe na maaring makatulong sa iba. Ang pagkakaroon ng kakaibang pananaw ay hindi nangangahulugan na mali ang isang tao, kung minsan ay kailangan lamang ng mas malalim na pag-unawa para maintindihan ang kahalagahan ng kanyang mga sinasabi.
Ipinapakita din ng kabanatang ito na ang edukasyon ay hindi dapat ikatakot o ipagkait sa isang tao. Bagkus, ang edukasyon ay magiging daan upang mas lalong mapalawak ang pag-iisip at maging mulat sa iba’t ibang aspeto ng buhay. Hindi rin nangangahulugan na ang pagkakaroon ng mataas na katalinuhan ay magiging dahilan upang makalimutan ang Diyos o ang pananampalataya. Ang mahalaga ay ang pagkakaroon ng balanse sa lahat ng aspeto ng buhay upang maging ganap na tao.

At dito nagtatapos ang Noli Me Tangere Kabanata 14 Buod, mga Tauhan, tagpuan, talasalitaan, at Aral. Naging kapaki-pakinabang ba sa iyo ang araling ito? Kung oo ang iyong sagot, ibahagi mo din ito sa iyong mga kaklase at kaibigan para sila din ay matuto sa ika-14 kabanata ng nobelang ito.

Samantala, maaari mo din itong i-share sa iyong mga social media account. I-click lamang ang share button na makikita sa iyong screen. Para sa karagdagang mga tanong tungkol sa ating aralin, mangyaring mag-iwan ng komento sa ibaba.