El Filibusterismo Kabanata 33 Buod, Mga Tauhan, at Aral

Sa artikulong ito, tatalakayin natin ang maikling buod ng El Filibusterismo Kabanata 33 – Ang Huling Matuwid. Bukod pa d’yan, malalaman mo din kung sinu-sino ang mga tauhang nabanggit sa kabanatang ito, ang tagpuan, mga talasalitaan, pati na rin ang mga mahahalagang aral na mapupulot mo rito.

Mga Nilalaman

Buod ng El Filibusterismo Kabanata 33 – Ang Huling Matuwid
Mga Tauhan sa El Filibusterismo Kabanata 33
Tagpuan sa El Filibusterismo Kabanata 33
Talasalitaan sa El Filibusterismo Kabanata 33
Mga Aral, Mensahe, at Implikasyon sa El Filibusterismo Kabanata 33
Mga Kaugnay na Aralin

Buod ng El Filibusterismo Kabanata 33 – Ang Huling Matuwid

Sa kabanatang ito, nakatakda nang umalis si Simoun upang sumabay sa Kapitan Heneral. Marami ang naniniwala na hindi magpapaiwan si Simoun dahil sa posibleng paghihiganti ng mga taong galit sa kanya o posibleng pag-uusig mula sa kahaliling Heneral. Nagkulong si Simoun sa kanyang silid at nagbilin na ang tatanggapin lamang niya ay si Basilio. Pagdating ni Basilio, nagulat si Simoun sa malaking pagbabago ng binata.

Nagpahayag si Basilio ng kanyang pagsisisi sa pagiging masamang anak dahil hindi niya ipinaghiganti ang kanyang ina at kapatid. Sinabi niyang handa na siyang sumanib kay Simoun. Tugon ni Simoun, ang kanyang usapin ay para sa mga sawimpalad na tulad ni Basilio. Tumayo si Basilio at sinabing matutuloy na ang himagsikan dahil wala na siyang alinlangan.

Ipinakita ni Simoun ang isang granada kay Basilio, at pinag-usapan nila kung paano ito gagamitin sa isang pista. Ang plano ay magtatagpo sina Kabesang Tales at Simoun upang agawin ang mga armas na itinago ni Simoun sa tindahan ni Quiroga. Si Basilio naman ang mamumuno sa mga arabal at pag-aagaw ng mga tulay, pati na ang pagtulong sa mga kasamahan nila.

Mga Tauhan sa El Filibusterismo Kabanata 33

Ito ang mga tauhang nabanggit sa ika-33 Kabanata ng El Filibusterismo:

Simoun

Siya ang pangunahing tauhan sa kabanata na ito, na siya ring kilalang “naghihiganting alahero”. Sinasabing siya ay maglalakbay kasama ang Kapitan Heneral at pinaghahandaan ang isang himagsikan.

Kapitan Heneral

Ang pinakamataas na opisyal ng Espanya sa Pilipinas.

Basilio

Isang binatang nagmula sa mahirap na kalagayan at sumumpa na sumanib kay Simoun. Siya ang naging tagapaghatid ng mensahe ni Simoun at kakampi sa nalalapit na himagsikan.

Kabesang Tales

Kakatagpuin ni Simoun sa tindahan ni Quiroga.

Quiroga

Ang may-ari ng tindahan na naging taguan ng mga armas na kailangan para sa himagsikan.

Tagpuan sa El Filibusterismo Kabanata 33

Ang tagpuan ng kabanata ay sa loob ng silid ni Simoun.

Talasalitaan sa El Filibusterismo Kabanata 33

Sawimpalad – Ang taong hindi sinuwerte o walang kapalaran
Himagsikan – Isang malaking pag-aaklas o rebelyon
Kahalili – pamalit sa isang posisyon o tungkulin
Arabal – Isang sakahan, maaaring tumukoy din sa isang hindi urbanisadong lugar
Naghihiganti – Gumagawa ng paraan para makabawi sa ginawang mali ng iba
Granada – Isang klase ng pampasabog na ibinabato
Alinlangan – Pag-aatubili o hindi pagkakasiguro
Usapin – Isang paksa o punto na pinag-uusapan
Agawin – Kunin nang pilit o sa di inaasahang paraan

Mga Aral, Mensahe, at Implikasyon sa El Filibusterismo Kabanata 33

Narito ang mga aral at mahahalagang kaisipan na maaaring mapulot sa Kabanata 33 ng El Filibusterismo:

Ang kabanatang ito ay nagbibigay ng malalim na mensahe tungkol sa pagbabago ng isang tao dahil sa paghihiganti at ang panganib na dala ng mga pagkilos na hindi pinag-isipan. Nagpapakita rin ito ng pagkakaisa sa pagitan ng mga karakter na may iisang layunin, ngunit may iba’t ibang motibo.
Ang himagsikan na pinapangarap ni Simoun ay bunga ng kanyang paghihiganti, samantalang ang motibo ni Basilio ay upang mabawi ang kahihiyan sa kanyang pamilya. Ang katotohanan na magkasama sila sa paglulunsad ng isang mapanganib na plano ay nagpapakita ng kanilang pagkakaisa, ngunit maaari rin itong magsilbing paalala sa mga mambabasa na ang pagkakaisa ay hindi palaging nangangahulugan ng magagandang bagay. Sa halip, ang pagkakaisa ay maaaring magdala ng panganib at kaguluhan kung hindi maayos na pinag-isipan at hindi itinutuwid ang mga motibo.

At dito nagtatapos ang El Filibusterismo Kabanata 33 Buod, mga Tauhan, at Aral. Naging kapaki-pakinabang ba sa iyo ang araling ito? Kung oo ang iyong sagot, ibahagi mo din ito sa iyong mga kaklase at kaibigan para sila din ay matuto sa unang kabanata ng nobelang ito.

Samantala, maaari mo din itong i-share sa iyong mga social media account. I-click lamang ang share button na makikita sa iyong screen.