Sa artikulong ito, tatalakayin natin ang maikling buod ng Noli Me Tangere Kabanata 38 – Ang Prusisyon. Bukod pa d’yan, malalaman mo din kung sinu-sino ang mga tauhang nabanggit sa kabanatang ito, ang tagpuan, mga mahahalagang pangyayari, talasalitaan, pati na rin ang mga mahahalagang aral na mapupulot mo rito.
Related: Noli Me Tangere Buod ng Buong Kwento (Maikling Buod)
Mga Nilalaman
Buod ng Noli Me Tangere Kabanata 38 – Ang Prusisyon
Nagsimula ang prusisyon sa bayan sa pagtunog ng kampana at paputok. Lahat ng tao ay may bitbit na kandila at parol habang lumalakad kasama ang mga imahen ng mga santo tulad ni San Juan Bautista, San Francisco, Santa Maria Magdalena, San Diego De Alcala, at ang Mahal na Birhen. Ang karo ni San Diego ay hinihila ng anim na Hermano Tercero. Ang Kapitan Heneral, mga Kagawad, Alkalde, Alperes, si Kapitan Tiago, at Ibarra ay magkakasama sa prusisyon. Napilitang sumama si Ibarra dahil sa imbitasyon ng Heneral.
Sa bahay ni Kapitan Tiago, hininto ang mga karo at andas ng mga santo upang idaos ang tulang papuri o loa sa pintakasi ng bayan. Tatlong sakristan, guro, mag-aaral, at mga batang may dala-dalang parol na papel ang nangunguna sa prusisyon. Lumabas ang isang batang lalaki na may pakpak upang bigkasin ang papuri sa wikang Latin, Kastila, at Tagalog. Pagkatapos ay inawit ni Maria Clara ang Ave Maria na kung saan ang lahat ay nabighani sa kanyang tinig. Ramdam ni Ibarra ang kalungkutan ng kanyang kasintahan sa kanyang boses.
Tinawag pansamantala ang atensyon ni Ibarra ng Kapitan-Heneral upang imbitahan siya sa pagkain at pag-usapan ang pagkawala ng dalawang sakristan na sina Crispin at Basilio.
See also: Noli Me Tangere Buod ng Bawat Kabanata 1-64 with Talasalitaan
Mga Tauhan sa Noli Me Tangere Kabanata 38
Ito ang mga tauhang nabanggit sa ika-38 Kabanata ng Noli Me Tangere:
Ibarra
Napilitang sumama sa prusisyon dahil sa imbitasyon ng Kapitan Heneral. Dama niya ang pighati ni Maria Clara habang umaawit ito.
Kapitan Tiago
Isang iginagalang na tao sa bayan at ama ni Maria Clara. Sa kabanatang ito, kasama rin siya sa prusisyon.
Maria Clara
Umawit ng “Ave Maria” at nabighani ang lahat sa kanyang tinig. Dama ni Ibarra ang kalungkutan nito.
Tatlong Sakristan
Kabilang sa mga kasama sa prusisyon.
Mga Estudyante at Mga Guro
Kasama sa mga sumusunod sa prusisyon.
Mga Batang May Hawak ng Parol
Bahagi rin sila ng prusisyon.
Mga Gwardiya Sibil
Ang mga nagbabantay ng kaayusan ng prusisyon.
Isang Batang Lalaki na May Pakpak
Nagbigay ng papuri sa mga santo sa pamamagitan ng isang tula na kanyang binigkas sa wikang Latin, Kastila, at Tagalog.
Kapitan Heneral
Pinangunahan ang prusisyon kasama ang iba pang opisyales. Kinumusta niya si Ibarra at binanggit ang pagkawala ng mga sakristan.
Alkalde at Alperes
Kasama sa mga opisyal na nakiisa sa prusisyon.
Hermano Tercero
Hinihila ang karo ni San Diego.
Crispin at Basilio
Ang magkapatid na nawawala na pinag-usapan ng Heneral at ni Ibarra.
Read more: Noli Me Tangere Tauhan at mga Katangian ng Bawat Isa
Tagpuan sa Noli Me Tangere Kabanata 38
Ang tagpuan ng kabanata ay sa bayan ng San Diego kung saan may kasalukuyang prusisyon na ginaganap.
Mahahalagang Pangyayari sa Noli Me Tangere Kabanata 38
- Kinumusta ng Kapitan Heneral si Ibarra at binanggit ang pagkawala ng mga sakristan na sina Crispin at Basilio.
- Nagsimula ang prusisyon sa San Diego na sinalihan ng maraming tao, kasama ang Kapitan Heneral at iba pang opisyal.
- Inihinto ang mga karo sa tapat ng bahay ni Kapitan Tiyago para sa pagbigkas ng tulang papuri sa mga santo.
- Isang batang lalaki ang nagbigay ng papuri sa wikang Latin, Kastila, at Tagalog.
- Umawit si Maria Clara ng “Ave Maria,” na labis na ikinabighani ng mga naroroon.
Talasalitaan sa Noli Me Tangere Kabanata 38
- Paputok – mga bagay na sumasabog na karaniwang ginagamit sa mga selebrasyon.
- Kubo – isang maliit na tahanan na gawa sa mga lokal na materyales; hut sa wikang Ingles.
- Inspeksyon – pagsusuri.
- Parol – tradisyonal na palamuti kapag sumasapit ang Pasko.
- Prusisyon – Isang seremonyal na paglakad ng mga tao sa mga lansangan bilang bahagi ng isang relihiyosong pagdiriwang.
- Karo – Isang sasakyan o andas na karaniwang ginagamit sa mga prusisyon upang dalhin ang mga imahe ng mga santo.
- Hermano Tercero – Mga kasapi ng isang samahang pansimbahan na may tungkulin sa mga seremonyal na gawain.
Mga Aral, Mensahe, at Implikasyon sa Noli Me Tangere Kabanata 38
Narito ang mga aral at mahahalagang kaisipan na maaaring mapulot sa Kabanata 38 ng Noli Me Tangere:
- Ang kabanatang ito ay nagpapakita ng halaga ng pananampalataya at tradisyon sa buhay ng mga Pilipino. Ang prusisyon bilang isang bahagi ng pagdiriwang ng mga banal na okasyon ay isang pagpapakita ng paggalang at pagmamahal ng mga tao sa kanilang mga santo at sa kanilang relihiyon.
- Isa pang aral na mapupulot sa kabanatang ito ay ang pagtitiis at pagsasakripisyo para sa ikabubuti ng iba. Halimbawa nito ay ang pagsama ni Ibarra sa prusisyon kahit na hindi niya nais, dahil sa kanyang paggalang sa Kapitan Heneral at sa kanyang komunidad.
- Ang kabanata ay nagbibigay-diin din sa kahalagahan ng pag-aaruga at pagmamahal sa mga taong mahalaga sa atin. Sa eksena kung saan inawit ni Maria Clara ang Ave Maria, ramdam ni Ibarra ang lungkot na nararamdaman ng kanyang kasintahan. Ito ay nagpapakita ng koneksyon at pagmamalasakit na nararamdaman nila sa isa’t isa.
- Sa usapin naman ng pagkawala ng dalawang sakristan na sina Crispin at Basilio, ipinapakita ng kabanata ang responsibilidad ng mga namumuno sa komunidad na alamin at tugunan ang mga problema at alalahanin ng kanilang mga nasasakupan. Ang pagtugon sa mga suliraning ito ay mahalaga upang mabigyan ng kaukulang solusyon at mapanatili ang kaayusan sa lipunan.
At dito nagtatapos ang Noli Me Tangere Kabanata 38 Buod, mga Tauhan, Tagpuan, Mahahalagang Pangyayari, Talasalitaan, at Aral. Naging kapaki-pakinabang ba sa iyo ang araling ito? Kung oo ang iyong sagot, ibahagi mo din ito sa iyong mga kaklase at kaibigan para sila din ay matuto sa ika-38 kabanata ng nobelang ito.
Samantala, maaari mo din itong i-share sa iyong mga social media account. I-click lamang ang share button na makikita sa iyong screen. Para sa karagdagang mga tanong tungkol sa ating aralin, mangyaring mag-iwan ng komento sa ibaba.