Ang post na ito ay naglalaman ng maikling buod ng Noli Me Tangere Kabanata 1 – Ang Pagtitipon. Inisa-isa rin namin kung sinu-sino ang mga tauhan pati na rin ang aral sa mapupulot sa kabanatang ito.
Buod ng Noli Me Tangere Kabanata 1 – Ang Pagtitipon
Isang gabi ay nagkaroon ng marangyang handaan sa bahay ni Kapitan Tiago upang magsilbing salubong kay Crisostomo Ibarra na kagagaling lang sa Europa.
Ang pinsan ni Kapitan Tiago na si Tiya Isabel ang taga-istima ng mga bisitang dumarating. Magkakahiwalay ang mga panauhing babae at lalaki.
Ilan sa mga panauhing dumating ay sina Padre Sibyla, Padre Damaso, dalawang paisano, si Tinyente Guevarra, at ang mag-asawang sina Dr. Tiburcio de Espadaña at Donya Victorina.
Ang bawat grupo sa mga panauhin ay may kanya-kanyang paksa upang ilabas ang kani-kanilang saloobin, makipag-tagisan ng kuro-kuro, at humanap ng papuri.
Ilan sa mga napag-usapan ay ang mga Indio o ang mga Pilipino; ang pagkakaalis ni Padre Damaso sa Parokya ng San Diego kahit na matagal itong nagsisilbi doon; ang monopolyo ng tabako, mga pulbura at armas, at marami pang iba.
Mga Tauhan sa Noli Me Tangere Kabanata 1
Narito ang mga tauhang nabanggit sa kabanata 1 ng nobelang Noli Me Tangere na isinulat ng ating pambansang bayani na si Jose Rizal.
- Kapitan Tiago
- Tiya Isabel
- Padre Damaso
- Padre Sibyla
- Tinyente Guevarra
- Dr. Tiburcio de Espadaña
- Donya Victorina de Espadaña
- Dalawang paisano
Mga Aral sa Noli Me Tangere Kabanata 1
Ito naman ang mga aral sa Noli Me Tangere Kabanata 1 – Ang Pagtitipon.
- Huwag maging mapanghusga sa kapwa tulad ni Padre Damaso na inakusahan ang mga Pilipino na mga walang pakialam, mga mangmang, tamad, at mga walang pinag-aralan kaya nararapat daw na tawaging Indio.
- Bagamat ang lahat ng tao ay may hindi kanais-nais na ugali, hindi naman ito lisensya para atin silang kutyain. Baka mapagaya ka kay ni Padre Damaso na akala mo’y malinis ngunit may itinatago palang lihim. Sa pagtitipon ay naungkat ang ginawa niya sa bangkay ni Don Rafael Ibarra.
At dito nagtatapos ang Noli Me Tangere Kabanata 1 Buod, mga Tauhan, at Aral. Kung naging kapaki-pakinabang sa iyo ang araling ito, mangyaring ibahagi din sa iba upang sila din ay matuto.
Maaari mo din itong i-share sa iyong mga social media accounts. I-click lamang ang share button na makikita sa iyong screen. Maraming salamat!
Mga kaugnay na aralin
Noli Me Tangere Kabanata 2 Buod, mga Tauhan, at Aral
Noli Me Tangere Kabanata 3 Buod, mga Tauhan, at Aral
Noli Me Tangere Kabanata 4 Buod, mga Tauhan, at Aral
Noli Me Tangere Kabanata 5 Buod, mga Tauhan, at Aral
Noli Me Tangere Kabanata 6 Buod, mga Tauhan, at Aral
Noli Me Tangere Kabanata 7 Buod, mga Tauhan, at Aral
Noli Me Tangere Kabanata 8 Buod, mga Tauhan, at Aral
Noli Me Tangere Kabanata 9 Buod, mga Tauhan, at Aral
Noli Me Tangere Kabanata 10 Buod, mga Tauhan, at Aral
Noli Me Tangere Kabanata 11 Buod, mga Tauhan, at Aral
