Ang pangngalan ay isa sa pinaka-importanteng bahagi ng ating lingguwistika, lalo na sa Wikang Filipino. Sa araw-araw na pamumuhay, ginagamit natin ang iba’t ibang klase ng pangngalan para mailarawan ang ating mga karanasan, mga bagay-bagay, lugar, at tao. Sa artikulong ito, bibigyan natin ng pansin ang dalawang uri ng pangngalan – ang pangngalang pantangi at pangngalang pambalana. Tatalakayin natin ang kanilang mga kahulugan at mga halimbawa upang lubusang maintindihan ang araling ito.
Mga Nilalaman
Dalawang Uri ng Pangngalan
Mayroong dalawang uri ng pangngalan. Ito ay ang pangngalang pantangi at pangngalang pambalana.
Pangngalang Pantangi
Ang pangngalang pantangi o proper noun sa wikang Ingles ay isang uri ng pangngalan na tumutukoy sa tiyak na ngalan ng tao, hayop, bagay, lugar o pook, o pangyayari. Nagsisimula ito sa malaking titik o letra.
Mga Halimbawa ng Pangngalang Pantangi
Narito ang ilan sa mga halimbawa ng pangngalang pantangi.
- Bb. Reyes
- Mang Gibo
- Lola Basyang
- Laguna
- Pilipinas
- Manila Cathedral
- SM
- Rolex
- Nike
- Jollibee
Mga Halimbawa ng Pangngalang Pantangi sa Pangungusap
Narito ang sampung halimbawa ng pangngalang pantangi sa pangungusap.
- Si Bb. Reyes ay mahusay magturo.
- Maaasahang hardinero si Mang Gibo.
- Ang mga kwento ni Lola Basyang ay maganda.
- Umuwi ako sa Laguna kahapon.
- Ako ay nakatira sa Pilipinas.
- Sa Manila Cathedral nagsisimba si Melai.
- Pupunta kami sa SM bukas.
- Ang mahal ng Rolex.
- Bibili ako ng sapatos na Nike.
- Kakain kami sa Jollibee.
Pangngalang Pambalana
Ang pangngalang pambalana o common noun sa wikang Ingles ay isang uri ng pangngalan na tumutukoy sa pangkalahatang ngalan ng tao, pook, hayop, bagay, pangyayari, at iba pa. Ito ay karaniwang nagsisimula sa maliit na titik o letra.
Mga Halimbawa ng Pangngalang Pambalana
Narito ang ilan sa mga halimbawa ng pangngalang pambalana.
- guro
- magulang
- laruan
- lobo
- plato
- probinsya
- simbahan
- paaralan
- aso
- kuya
Mga Halimbawa ng Pangngalang Pambalana sa pangungusap
Narito ang ilan sa mga halimbawa ng pangngalang pambalana sa pangungusap.
- Ang aking guro ay mabait.
- Mapagmahal ang mga magulang.
- Akin ang laruan na ito.
- Bibili ako ng lobo.
- Paki-abot po ng plato.
- Uuwi kami sa probinsya.
- Sa simbahan na tayo magkita.
- Malawak ang aming paaralan.
- Ako ay may alagang aso.
- Si kuya ay maalalahanin.
Mga Halimbawa ng Pangngalang Pantangi at Pambalana
Narito ang ilan pa sa mga halimbawa g pangngalang pantangi at pambalana:
Sa pagtatapos ng ating aralin, mahalagang matandaan na ang pangngalang pantangi at pangngalang pambalana ay mayroong malaking papel na ginagampanan sa ating wika. Ang kanilang pagkakaiba ay nagbibigay ng mas malalim at mas mayaman na pagkakaunawa sa kung paano natin ginagamit ang wika upang magpahayag ng ating mga kaisipan at karanasan. Ang mga halimbawa na ating binigay ay naglalayong maging gabay sa paggamit ng tamang uri ng pangngalan sa tamang konteksto. Sa pag-unawa at tamang paggamit ng pangngalang pantangi at pambalana, mas magiging malinaw at epektibo ang ating komunikasyon.
Kung naging kapaki-pakinabang sa’yo ang araling ito, inaanyayahan ka namin na ibahagi ito sa iyong mga kaklase at kaibigan para sila rin ay matuto.
Maaari mo din itong i-share sa iyong mga social media account. I-click lamang ang share button na makikita sa screen. Maraming salamat!
Mga kaugnay na aralin
Gamit ng Pangngalan: Anim na Gamit ng Pangngalan at mga Halimbawa nito
Konkreto at Di-Konkretong Pangngalan
Kayarian ng Pangngalan at mga Halimbawa nito
Kaukulan ng Pangngalan at mga Halimbawa nito
Kasarian ng Pangngalan at mga Halimbawa nito
Kailanan ng Pangngalan at mga Halimbawa nito
PANG-URI: Halimbawa ng Pang-uri, Uri ng Pang-uri, Antas, Atbp.
PANDIWA: Halimbawa ng Pandiwa, Aspekto ng Pandiwa, Pokus, Uri, Atbp.