Konkreto at Di-Konkretong Pangngalan • Noypi.com.ph

Sa pahinang ito, pag-aaralan natin kung ano ang konkreto at di-konkretong pangngalan. Gumawa din kami ng ilang mga halimbawa upang mas maunawaan mo ang paksang ito.

Ngunit bago ang lahat, talakayin muna natin kung ano ang kahulugan ng pangngalan.

Ano ang Pangngalan?

Ang pangngalan ay bahagi ng pananalita na tumutukoy sa ngalan ng tao, hayop, bagay, pook, lugar, o pangyayari. Kilala rin ito sa tawag na noun sa wikang Ingles.

Ngayon naman ay dumako na tayo sa konkreto at di-konkretong pangngalan.

Konkretong Pangngalan

Ang konkretong pangngalan o concrete noun ay tumutukoy sa mga pangngalang materyal o mga bagay na maaring makita o mahawakan gamit ang ating limang pandama o five senses (paningin, pang amoy, pandinig, panlasa, at pansalat).

Mga Halimbawa ng Konkretong Pangngalan

Narito ang tatlumpu (30) halimbawa ng konkretong pangngalan.

ate
bulaklak
bus
dyaryo
gatas
guro
halaman
kama
kapaligiran
kapatid
kotse
kuya
lalawigan
lugar
luha
manok
mesa
nanay
pambura
pagkain
palengke
panyo
pari
puno
radyo
salamin
sapatos
tatay
unan
upuan

Di-Konkretong Pangngalan

Ang di-konkretong pangngalan o abstract noun ay tumutukoy sa mga bagay na hindi pwdeng mahawakan. Ito ay maaaring kondisyon, kalagayan, iyong nadarama, naiisip, at nauunawaan.

Mga Halimbawa ng Di-Konkretong Pangngalan

Narito ang dalawampu’t lima (25) halimbawa ng di-konkretong pangngalan.

pagmamahal
gutom
kapayapaan
pagkagulat
pagkasabik
kalungkutan
kasiyahan
pagkakaisa
pagka-galit
panaginip
himala
kaunlaran
kabayanihan
paniniwala
kahirapan
paggalang
katahimikan
pag-aalala
magalang
kasungitan
katipiran
pag-ibig
kalusugan
katalinuhan
kabutihan

At ‘yan ang konkreto at di-konkretong pangngalan pati na rin ang kani-kanilang mga halimbawa. Kung nakatulong sa iyo ang araling ito, mangyaring ibahagi din sa iba upang sila din ay matuto.

Para ibahagi sa iyong social media accounts. I-click lamang ang mga share button na makikita sa screen. Maraming salamat!