Ibong Adarna Kabanata 31 Buod, Mga Tauhan, at Aral

Sa artikulong ito, tatalakin natin ang maikling buod ng Ibong Adarna Kabanata 31: Ang Unang Pagsubok ng Hari. Bukod pa d’yan, malalaman mo din kung sinu-sino ang mga tauhang nabanggit sa kabanatang ito pati na rin ang aral at mahahalagang kaisipan na mapupulot mo rito.

Mga Nilalaman

• Buod ng Ibong Adarna Kabanata 31: Ang Unang Pagsubok ng Hari
• Mga Tauhan sa Ibong Adarna Kabanata 31
• Mga Aral at Mensahe sa Ibong Adarna Kabanata 31
• Mga kaugnay na aralin

Buod ng Ibong Adarna Kabanata 31: Ang Unang Pagsubok ng Hari

Sa kabanatang ito, nagtagpo sina Don Juan at Haring Salermo sa hardin. Inanyayahan ni Haring Salermo si Don Juan na pumasok sa palasyo, ngunit nagpasya itong maghintay sa kanyang mga susunod na utos. Pinakuha ng hari sa kanyang mga tauhan ang isang salop ng sariwang trigo na kakaani pa lang at ipinag-utos kay Don Juan na itanim ito. Tila natutuwa ang hari, sa akalang may mahihirapan na namang isa sa kanyang mga pagsubok.

Si Don Juan ay umuwi nang may mabigat na puso. Nauunawaan niyang malabong magbunga agad ang trigo at makapagluto ng tinapay para sa hari sa susunod na araw. Ngunit, pinawi ni Prinsesa Maria Blanca ang kanyang mga alalahanin at ipinangako na siya na ang bahala. Gamit ang kanyang mahika, tinupad niya ang utos ni Haring Salermo.

Sa kalaliman ng gabi, itinapon ni Maria Blanca ang mga trigo at agad itong nagbunga. Inani niya ang mga bunga at ipinadala ito sa mga tagagawa ng tinapay. Bago sumikat ang araw, ang mga trigong inani ay naging tinapay na. Nagulat si Haring Salermo nang handugan siya ng mga tinapay na iba-iba ang kulay at hugis mula sa isang salop ng trigo lamang.

Mga Tauhan sa Ibong Adarna Kabanata 31

• Don Juan
• Maria Blanca
• Haring Salermo

Mga Aral at Mensahe sa Ibong Adarna Kabanata 31

Ang kabanatang ito ay nagpapakita ng kabutihan, katalinuhan, at kakayahang magtiwala. Sa kabila ng pagsubok na ito na tila imposible, hindi nawala ang loob ni Don Juan at patuloy siyang nagtiwala. Sa kabilang banda, itinampok din ang kabutihan at katalinuhan ni Maria Blanca sa pagtulong kay Don Juan at sa paggamit ng kanyang mahika para sa kabutihan.

Ang kabanatang ito ay nagbibigay din ng paalala na ang tunay na kalakasan ay hindi lamang sa pisikal na kakayahan kundi maaari rin itong magmula sa kakayahang magtiwala sa iba. Sa madaling salita, maaaring hindi sapat ang ating mga kakayahan kung tayo’y mag-isa lamang. Sa mga panahong kailangan natin ang tulong ng iba, hindi dapat tayong matakot o mahiyang humingi ng tulong.

---

At ‘yan ang Ibong Adarna Kabanata 31 Buod, mga Tauhan, at Aral. Kung naging kapaki-pakinabang sa iyo ang araling ito, ibahagi mo ito sa iyong mga kaklase at kaibigan upang sila din ay matuto sa bahaging ito ng korido.

Maaari mo din itong i-share sa iyong mga social media profile. I-click lamang ang share button na makikita sa iyong screen.